“PAŞA Kapital İnvestisiya Şirkəti” QSC 2024-cü ili 2 milyon 251 min manat xalis mənfəət ilə başa vurub. Halbuki, şirkət 2023-cü ili 2 milyon 373 min manat xalis mənfəət ilə bağlamışdı. Beləliklə, “PAŞA Kapital”ın xalis mənfəəti 2024-cü ilində 2023-cü illə müqayisədə 122 min manat və ya 5,1% azalıb. Xalis mənfəətin azalması xərclərin gəlirlərdən daha çox artması ilə əlaqədardır. 

Marja.az Şirkətin 31 dekabr 2024-cü il tarixində başa çatan il üzrə maliyyə hisabatlarına istinadən xəbər verir ki, 2024-cü ildə 2023-cü illə müqayisədə “PAŞA Kapital İnvestisiya Şirkəti”nin cəmi faiz gəlirləri 2 milyon 42 min  min manat ikən, 2024-cü ildə 4 milyon 544 min manat təşkil edib (2 milyon 501 min manat və ya 2,2 dəfə artıb).

2024-cü ildə 2023-cü illə müqayisədə “PAŞA Kapital İnvestisiya Şirkəti”nin qeyri-faiz gəlirləri 981 min manat və ya 17,4% artaraq 6 milyon 614 min manat olub. O cümlədən, Şirkətin haqq və komissiya gəlirləri isə 2 milyon 432 min manat və ya 80,1% aratarq 5 milyon 462 min manat təşkil edib.

2024-cü ildə “PAŞA Kapital İnvestisiya Şirkəti”nin cəmi əməliyyat gəlirləri (faiz və qeyri-faiz xərcləri) 11 milyon 181 min manat, cəmi əməliyyat xərcləri (faiz və qeyri-faiz xərcləri) 8 milyon 306 min manat, əməliyyat mənfəəti 2 miylon 875  min manat təşkil edib. Şirkət əməliyyat mənfəətindən 624 min manat mənfəət vergisi ödəyib.

31 dekabr 2024-cü il tarixində “PAŞA Kapital İnvestisiya Şirkəti” QSC 64 milyon 74 min manat cımi aktivlərə malik olub. Şirkət 2023-cü ilin sonunda 65 milyon 911 min manat cəi aktivlərə malik idi.