Nvidia-nın gəlirlərindəki artım gələcək dövr üçün proqnozları çətinləşdirərkən, son proqnozlar nəticələrdən orta hesabla 12 faiz yüksək olub. Bu vəziyyət bazarda Nvidia səhmlərinin qiymətləndirilməsi ilə bağlı suallar doğurur.

Nvidia səhmlərinin cəmi dəyəri şirkətin 12 aylıq dövr üçün proqnozlaşdırılan satışlarınnın məbləğindən təxminən 23 dəfə yüksəkdir və S&P 500 İndeksində ən bahalı səhm olaraq seçilir. Ancaq bu qiymətləndirmədə problem var. Süni intellekt bumu dövründə nə Wall Street analitikləri, nə də Nvidia rəhbərləri çip istehsalçısının faktiki gəlirlərinin necə olacağını təxmin edə bilmirlər.

Marja.az xəbər verir ki, süni intellekt çılğınlığı Nvidia çiplərinə tələbatın artmasına səbəb olub və Wall Street-in rüblük maliyyə proqnozlarını şübhə altına alıb.

Digər tərəfdən, hətta Nvidia-nın rəhbərləri də çip istehsalçısının yaxın üç ayda nə qədər pul qazanacağını proqnozlaşdırmaqda çətinlik çəkirlər. Nvidia-nın satışlarının artmağa başladığı 2023-cü ilin aprelində başa çatan maliyyə rübündən bəri şirkətin gəlirləri orta hesabla öz proqnozundan 13 faiz çox olub. Bloomberg-in tərtib etdiyi məlumatlara görə, şirkət avqust ayında nəticələrini açıqlayanda satışlar proqnozdan 23 faiz çox idi.

“Morningstar”ın analitiki Brian Colello, Nvidia üçün modelləşdirməni çətinləşdirən amillərdən birinin, çiplərə tələbin kəskin artdığı bir vaxtda təklifin qeyri-müəyyən olması olduğunu düşünür. Colellonun sözlərinə görə, bu, çip istehsalçısını unikal edir. Colello keçən ay şirkətin səhmləri üçün qiymət hədəfini 91 dollardan 105 dollara qaldırıb. Hazırda Nvidia səhmləri 127 dollar ətrafında satılır.

Colello, Nvidia-nın təklifi artırmaq qabiliyyətinin davamlı olaraq yaxşılaşacağını fərz edərək, növbəti rüb satışlarını proqnozlaşdırmaq üçün Nvidia-nın rüblük gəlirinə 4 milyard dollar əlavə etdiyini söyləyib: “Mən qiymət hədəfimi qaldıran və ya qazancın bir il əvvəl düşündüyümüzdən daha yüksək olacağına təəccüblənən tək analitik deyiləm”.

Nvidia səhmlərini alan çoxlu investorlar var. Nvidia bu il 156 faiz dəyər qazanıb və çərşənbə axşamı Microsoft-u geridə qoyaraq qısa müddət ərzində 3,34 trilyon dollarla dünyanın ən dəyərli şirkəti olub.

Bloomberg-in tərtib etdiyi məlumatlara görə, analitiklərin Nvidia-nın satışları ilə bağlı təxminləri son beş rüb ərzində real nəticələrdən orta hesabla 12 faiz kənara çıxıb.

Nvidia-mım biznesi sürətlə böyüyür. Şirkətin Microsoft kimi çox böyük müştəriləri, qarşıdakı rüblərdə kompüter avadanlıqlarına daha çox pul xərcləyəcəklərini deyirlər. İnvestorlar üçün əsl sual, qazancı və satış artımı analoq şirkətlərdən qat-qat yüksək olan Nvidia səhmi üçün ədalətli qiymətin nə olmasıdır.

Nvidia-nın bu rübdə 28,4 milyard dollarlıq satışdan 14,7 milyard dollar mənfəət əldə edəcəyi gözlənilir; Bu rəqəmlər ötən ilin eyni dövrü ilə müqayisədə müvafiq olaraq 111 faiz və 137 faiz artım göstərir. Microsoft-un satışlarının 15 faiz artacağı gözlənildiyi halda, Apple üçün təxmin 3 faiz ətrafındadır.