Yapon Nikkei Cümə günü 11 Oktyabrdan bəri ən yüksək tempdə – 1,68 faiz ucuzlaşıb

Yaponiyanın Nikkei indeksi cümə günü düşüb.

MArja xəbər verir ki, ABŞ Mərkəzi Bankından (FED) pul siyasətinin daha da sərtləşdirilməsini təklif edən şərhlər, investorları səhm satmağa məcbur edib.

Nikkei 1,68% ucuzlaşaraq 27 199,74 bənd olub. İndeks oktyabrın 11-dən bəri ən güclü itkiyə məruz qalıb.  Topix 1,29% azalaraq 1915,40-a düşüb.

Cümə axşamı ABŞ indeksləri enişini davam etdirib. Fed gözlənildiyi kimi çərşənbə günü uçot dərəcəsini 0,75 bənd artırdı, sədr Cerom Pauel fasilə barədə düşünməyin (faiz artımında – red.) “hələ çox tez” olduğunu söylədi və əsas faiz dərəcəsinin pik nöqtəsi ehtimal ki, əvvəllər nəzərdə tutulandan daha yüksəkdir.

Analitiklər bildirib ki, investorlar aşağı yönlü risklərdən narahatdırlar.

Eyni zamanda, yapon investorlarını Çin indekslərinin artımı bir qədər həvəsləndirib. Honq Konq-un Hang Seng indeksi, Çin şirkətlərinin müsbət maliyyə nəticələri və koronavirus məhdudiyyətlərini yumşaldılacağı ilə bağlı xəbərlər fonunda təxminən 6% yüksəlib.

Nikkei-nin 225 komponenti arasında 182-si azalıb, 39-u artıb və 4-ü dəyişməz olaraq qalıb. İndeksin bütün sektorları gerilyəib. Texnologiya sektoru 2,23%, neft-qaz sektoru isə 0,34% azalıb.