ABŞ Federal Ehtiyat Sistemi (FES) uçot dərəcəsini 0,50 faiz bəndi artıraraq 4,25-4,50%-ə çatdırıb.

Bu barədə Trend FES-in açıqlamasına istinadən xəbər verir.

“(Açıq Bazarda Əməliyyatlar üzrə – red.) Komitə uzunmüddətli perspektivdə maksimum məşğulluğa və 2% inflyasiyaya nail olmağı hədəfləyir. Bu məqsədlərə dəstək olaraq, Komitə federal fondların dərəcəsi üzrə hədəf diapazonunu 4,25-4,50% -ə qaldırmaq qərarına gəldi”, – deyə FES-in açıqlamasında deyilir.

Qeyd edək ki, FES 2022-ci ilin əvvəlindən yeddinci dəfə uçot dərəcəsini artırıb.