Avqustun 24-də, saat 11:00-da ləğv prosesində olan “Standard Insurance” Sığorta Şirkəti ASC-yə məxsus rəsm əsərləri hərraca çıxarılacaq.
Bu barədə “Report”a qurumun Ləğvetmə Komissiyasından bildirilib.
Məlumata görə, “Əmlak Hərrac Mərkəzi” MMC-nin təşkil edəcəyi hərrac Bakı şəhəri, Yasamal rayonu, Məmməd Rahim küçəsi, 4A ünvanında olacaq.
5 rəsm əsərinin hər biri üçün 1 500 manat qiymət müəyyən edilib. Bu məbləğin 5%-i, yəni 75 manat beh kimi ödənilməlidir.
Hərrac predmetlərinin ətraflı təsviri aşağıdakı cədvəldə öz əksini tapıb:
Rəsm əsəri | Müəllif | Ölçü | Hərrac dəyəri | Behin məbləği |
Şəkil “Teiptix Dəniz mənzərəsi” | Müseib Əmirov | 65×196-1-1 | 1500 | 75 |
Şəkil “Teiptix Dəniz mənzərəsi” | Müseib Əmirov | 65×196-1-2 | 1500 | 75 |
Şəkil “Teiptix Dəniz mənzərəsi” | Müseib Əmirov | 65×196-1-3 | 1500 | 75 |
Şəkil “Köhnə Bakı” | Şübhan Məmmədov | 80×140 | 1500 | 75 |
Şəkil “Mənim Bakım” | Sübhan Məmmədov | 60×100.5 | 1500 | 75 |
Hərracla bağlı daha ətraflı məlumatları isə aşağıdakı linkdən əldə etmək mümkündür:
Sığorta şirkətinin digər əmlaklarının qanunvericiliyə və hərrac qaydalarına əsasən açıq satışı davam edəcək, bu barədə ictimaiyyətə əvvəldən məlumat veriləcək.