Azərbaycanda 5 sığorta şirkətinin ötənilki (xalis) mənfəəti 5 milyon manatdan çoxdur

Azərbaycanda fəaliyyət göstərən 20 sığorta şirkətindən 4-ü ötən ili zərərlə başa vurub.

Bnlar, “Günay Sığorta”, “Bakı Sığorta” və “Atasığorta” ASC-lər, eləcə də Dövlət Sığorta Kommersiya Şirkətidir (“Azərsığorta”).

Qalan 16 sığortaçı müxtəlif məbləğlərdə (xalis) mənfəət əldə edib. Onlardan 5-də sözügedən göstərici 5 milyon manatdan çoxdur. Həmin sığorta şirkətləri “PAŞA Sığorta” (24,634 milyon manat), “PAŞA Həyat Sığorta” (17,714 milyon manat), “Qala Sığorta” (9,373 milyon manat), “Atəşgah Həyat Sığorta” (6,432 milyon manat) və “Xalq Sığorta” (5,029 milyon manat) ASC-lərdir.

Qalan 11 sığorta şirkətindən 5-nin (xalis) mənfəəti 1-5 milyon manat arasında, 6 şirkətin (xalis) mənfəəti isə 1 milyon manatdan azdır.

XXX

Azərbaycanda 11 sığorta şirkətinin mənfəət vergisi ödəmələri azalıb

Azərbaycanda fəaliyyət göstərən 20 sığorta şirkətindən 11-nin ötənilki mənfəət vergisi ödəmələri əvvəlki illə müqayisədə az olub.

Bunlar “Azərbaycan Sənaye Sığorta” (ASS), “PAŞA Həyat Sığorta”, “Meqa Sığorta”, “PAŞA Sığorta”, “İpək Yolu Sığorta”, “Azsığorta”, “A-Qrup Sığorta”, “Atəşgah Sığorta”, “Atasığorta”, “Bakı Sığorta” və “Günay Sığorta” ASC-lərdir.

Ən çox azalma “Atasığorta”, “Bakı Sığorta” və “Günay Sığorta”da (100%), ən az azalma isə ASS-də (0,7%) qeydə alınıb.

3 sığorta şirkəti – Dövlət Kommersiya Sığorta Şirkəti (“Azərsığorta”), eləcə də “Xalq Həyat Sığorta” və “Xalq Sığorta” ASC-lər həm ötən il, həm də əvvəlki il mənfəət vergisi ödəməyiblər. Odur ki, bu şirkətlərin vergi ödəmələrinin dinamikasını hesablamaq mümkün olmayıb.

Qalan 6 sığorta şirkətinin mənfəət vergisi ödəmələri isə artıb. Ən yüksək dinamika “Aqrar Sığorta Müştərək Sığorta Şirkəti” ASC-də (23,6 dəfə), ən aşağı dinamika isə “Atəşgah Həyat Sığorta” ASC-də (29%) qeydə alınıb.

5 sığorta şirkətinin ötənilki mənfəət vergisi ödəmələri 1 milyon manatdan çoxdur

Azərbaycanda 5 sığorta şirkətinin ötənilki mənfəət vergisi ödəmələri 1 milyon manatdan çoxdur

Azərbaycanda fəaliyyət göstərən 20 sığorta şirkətindən 5-i ötən il mənfəət vergisi ödəməyib.

Bunlar Dövlət Sığorta Kommersiya Şirkəti (“Azərsığorta”), eləcə də “Atasığorta”, “Bakı Sığorta”, “Günay Sığorta” və “Xalq Sığorta” ASC-lərdir.

Qalan 15 şirkət isə müxtəlif məbləğlərdə mənfəət vergisi ödəyib. Onlardan 5-də sözügedən göstərici 1 milyon manatdan çoxdur. Həmin sığorta şirkətləri “PAŞA Həyat Sığorta” (5,855 milyon manat), “PAŞA Sığorta” (5,567 milyon manat), “Qala Sığorta” (2,315 milyon manat), “Atəşgah Həyat Sığorta” (1,608 milyon manat) və “Qala Həyat Sığorta” (1,405 milyon manat) ASC-lərdir.

Qalan 10 sığorta şirkətindən 7-nun mənfəət vergisi ödəmələri 100 min manat – 1 milyon manat arasında, 3 şirkətin mənfəət vergisi ödəmələri isə 100 min manatdan azdır.

© “Renkinq” ,Marja.az