Bu il 87 yaşının tamamlayan “Türk Hava Yolları” (THY) aviaşirkəti böyük bir inkişaf yolu keçib.

AZƏRTAC xəbər verir ki, 1933-cü ildə beş təyyarə ilə sərnişindaşımaya başlayan THY-nin parkında hazırda 360 hava gəmisi var. Dünyanın 127 ölkəsinə uçuşlar həyata keçirən “Türk Hava Yolları” beynəlxalq aviasiya sənayesində rəqabətə davam gətirmək üçün daim yeniliklər edir.

Şirkətin yaydığı açıqlamada bildirilir ki, “Türk Hava Yolları” yaranandan bəri ən çətin dövrünü yeni növ koronavirus infeksiyası səbəbindən cari ildə yaşayır.