Avropa İttifaqı (Aİ) “Mondelez International”ı Birliyə üzv ölkələr arasında şokolad, peçenye və qəhvə kimi məhsulların transsərhəd ticarətini əngəllədiyi üçün 337,5 milyon avro cərimələyib.

ABŞ-da yerləşən “Mondelez International” şirkəti, Avropa İttifaqı (Aİ) Komissiyası tərəfindən rəqabət qaydalarını pozduğuna görə cərimələndiyini açıqlayıb.

“Mondelez International”ın dünyanın ən böyük şokolad və biskvit istehsalçılarından biri olduğunu xatırladan şirkət, portfelində Cote d’Or, Milka, Oreo, Ritz, Toblerone və TUC kimi məşhur şokolad və biskvit markalarının, həmçinin 2015-ci ilə qədər HAG, Jacobs ve Velours Noir kimi qəhvə brendlərinin olduğu qeyd edilib.

Açıqlamada, Komissiyanın araşdırması nəticəsində şirkətin müxtəlif şokolad, peçenye və qəhvə məhsullarının transsərhəd ticarətini məhdudlaşdırmağa yönəlmiş rəqabətə zidd razılaşmalar təmin etdiyi və şokolad satışında müəyyən milli bazarlarda hakim mövqeyindən sui-istifadə etdiyi müəyyən edilib.

Açıqlamada “Mondelez”in qeyri-qanuni hərəkətlərinin pərakəndə şirkətlərin üzv ölkələrdə daha ucuz qiymətə məhsul təqdim etməsinə mane olduğu və daxili bazarı süni şəkildə böldüyü, bu hərəkətlərin Aİ-nin rəqabət qaydalarına zidd olduğu və bu səbəbdən şirkətin 337,5 milyon avro cərimələndiyi bildirilib. 

Aİ Komissiyası Aİ ölkələrində fəaliyyət göstərən şirkətlərin sektorlarında rəqabətə zidd vəziyyətin olub-olmamasını yoxlamaq səlahiyyətinə malikdir.

Aİ Komissiyası rəqabət və ya antiinhisar qanunlarını pozan bir vəziyyət aşkar edərsə, bu araşdırmaya son qoyur və şirkətlərə yüksək cərimələr tətbiq edir.