Rəsmi Tehran İran iqtisadiyyatının cari ildə təxminən 4% artdığını, martın 21-də başlayacaq yeni 1402-ci ildə İran iqtisadiyyatını daha yaxşı perspektivlər gözlədiyini açıqlayıb. 

Marja İRNA agentliyinə istinadən xəbər verir ki, bunu bazar günü İslam Respublikasının prezidenti İbrahim Rəisi Məclisdə (parlament) gələn ilin dövlət büdcəsi haqqında qanun layihəsinin müzakirəsi zamanı çıxışı zamanı bildirib.

“Hökumətin bütün səyləri iqtisadi artıma nail olmağa yönəlib”, – deyən Prezident, “Nəticədə biz ümumi daxili məhsulun təxminən 4 faiz artmasına nail ola bilmişik”, -əlavə edib. Rəisinin vurğulayıb ki, bu makroiqtisadi göstərici “İranın çox parlaq gələcəyini” proqnozlaşdırmağa imkan verir.

Prezident bildirib ki, hökumət elektrik enerjisi istehsalının artırılmasına, inflyasiyanın aşağı salınmasına, investisiyaların cəlb edilməsinə nail olub. Onun sözlərinə görə, hakimiyyətin 1 milyon iş yerinin yaradılması vədi “yerinə yetirilib, lakin bu kifayət deyil”. Rəisi taxıl istehsalının 17% artımı ilə bağlı məlumatlara istinad edərək, taxıl ixracının həcminin 16 milyon tondan 20 milyon tona yüksəldiyini bildirib.

İRNA-nın məlumatına görə, İranın metallurgiya məhsulları ixracı fars təqvim ilinin ilk doqquz ayında 9 milyard dolları ötüb. Onun böyük hissəsi polad sənayesi və 4,8 milyard dollar məbləğində metal məmulatlarının tədarükünün payına düşür.

Bloomberg – in məlumatına görə, noyabrda İrandan xam neft ixracı təxminən 1,3 milyon barel olub və son dörd ilin ən yüksək səviyyəsinə çatıb. Xam neftin çoxu Çinə ixrac edilib.