Çindəki koronavirus ilə əlaqədar olaraq iPhone 14 istehsalı 16 milyon ədəd azalacaq.

2022-ci ildə Apple-ın iPhone 14 smartfonlarının istehsalı bu telefonların istehsal olunduğu Çinin Çjençjou şəhərində koronavirusun yayılmasının qarşısının alınmasına yönəlmiş karantin tədbirlərinin tətbiqi ilə əlaqədar olaraq ilkin proqnoz ilə müqayisədə 16 milyon ədəd azala bilər.

Marja xəbər verir ki, bu barədə cümə günü Bloomberg agentliyi İsveçrənin ən böyük bankı UBS-in analitiklərinə istinadən məlumat yayıb.

Mütəxəssislərin fikrincə, 2022-ci ilin ikinci yarısında 76 milyon ədəd iPhone 14 smartfonu istehsal olunacaq. Halbuki daha əvvəl 92 milyon daha yüksək rəqəm bildirilmişdi. Beləliklə, analitiklər iPhone istehsalının 2021-ci illə müqayisədə 20% azalacağını proqnozlaşdırırlar.

Bank hesab edir ki, istehsalın azalması dünyanın ən böyük iPhone yığım zavodunun yerləşdiyi Çjençjou şəhərindəki Foxconn şirkətində problemlər səbəbindən baş verəcək. Noyabrın 24-də şəhər hakimiyyəti yeni koronavirusa yoluxma hallarının sayının artması fonunda karantin rejimi tətbiq olunduğunu elan edib. Noyabrın 30-da məhdudiyyətlər aradan qaldırılıb.

Bankın analitikləri qeyd ediblər ki, iPhone 14 Pro və Pro Max üçün daha uzun gözləmə müddətinin tələbata təsir edib-etməyəcəyinə nəzarət etmək vacibdir. 2022-ci ilin dekabr ayında və 2023-cü ilin birinci rübündə istehsalın həcmi həlledici olacaqdır.