Rusiya enerji resurslarına endirimlər etdiyi üçün Asiya idxalçıları İraqın bazar mövqeyini zəiflətməklə Rusiyaya üstünlük verməyə başlayıblar. “Bloomberg”in aydınlaşdırdığı kimi, İraq neftinin əsas alıcıları olan Çin və Hindistan hal-hazırda Rusiyaya üz tutublar.

Banker.az bu barədə “Kommersant”a istinadən xəbər verir.

İraq məhsullarının cəlbediciliyini artırmaq üçün idxalçılarla qiymət endirimlərini müzakirə edir. Ölkənin keçmiş bazar mövqelərini itirməsinin digər amili kimi, neftin özəlliyi nəzərə alınır ki, ondan benzin və ya dizel yanacağı istehsal etmək Rusiya xammalından daha çətindir.

İraqın hələ də Hindistana ən böyük neft ixracatçısı olmasına baxmayaraq, Rusiya Hindistana ixrac həcmini əhəmiyyətli dərəcədə artırıb (apreldə sutkada 277,000 bareldən may ayında 819,000 barelə qədər) və onun ikinci ən böyük tədarükçüsünə çevrilib. Bu ilin may ayında Çinə Rusiya neftinin idxalı illik müqayisədə 55% artıb və ayın sonunda xammal tədarükü göstəricisi rekord səviyyəyə çatıb. Nəticədə Çinə xammal tədarükündə Rusiya Səudiyyə Ərəbistanını qabaqlayaraq birinci yerə çıxıb.