Norveç memarlarının layihəsi əsasında hazırlanan dənizdə, su altında yerləşən “Under” restoranı qeyri-adiliyi ilə fərqlənir.

AZƏRTAC xarici saytlara istinadla xəbər verir ki, 495 kvadratmetrlik restoran həm də dəniz həyatı araşdırma mərkəzi kimi fəaliyyət göstərir.

Restoranın ən aşağı mərtəbəsində 40 nəfərlik yeməkxana var. Mürəkkəb işıqlandırma sisteminə malik restorandakı işıq binanın daxilində və xaricində müxtəlif şəraitə uyğun olaraq asanlıqla tənzimlənə bilər. Gecələr balıqları cəlb edən dənizin dibində süni işıqlandırma da quraşdırılıb.