2023-cü ilin yanvar-avqust aylarında Azərbaycana 19 milyon 215 min dollar dəyərində 65 min 336 ton qarğıdalı idxal edilib.

“APA-Economics”in Dövlət Gömrük Komitəsinin hesabatı əsasında apardığı hesablamalara görə, bu göstərici ötən ilin müvafiq dövrü ilə müqayisədə dəyər baxımından 5.6% və ya 1 milyon 29 min dollar, həcm baxımından isə 26.5% və ya 13 min 724 ton çoxdur. 2022-ci ilin yanvar-avqust aylarında Azərbaycana 18 milyon 185 min dollar dəyərində 51 min 612 ton qarğıdalı idxal edilib.

Qeyd edək ki, Azərbaycana gətirilən qarğıdalının idxal qiyməti 16.5% azalıb. Belə ki, hesabat dövründə ölkəyə gətirilən qarğıdalının 1 tonun orta qiyməti 294 dollara (499.8 manat) bərabər olub. Bu göstərici ötən ilin müvafiq dövründə 352.3 dollar (598.9 manat) təşkil edib.

Xatırladaq ki, cari ilin ilk 8 ayında qarğıdalı idxalı Azərbaycanın ümumi idxalının 0.17%-nə bərabər olub.