Yapon yeninin xarici bazarlarda ucuzlaşması hökuməti və Yaponiya maliyyə orqanlarını narahat edir.

Marja xəbər verir ki, yen avro qarşısında son 7 ilin ən böyük ucuzlaşmasını Avropa Mərkəzi Bankının (AMB) faiz dərəcələrini 0,75 faiz artırması qərarı ilə yaşayıb.

Marja xəbər verir ki, həftənin son əməliyyat günündə 1 avro 143 Yapon yeni səviyyəsində ticarət edilir.

1998-ci ildə 139 Yapon yenini görən 1 dollar, həftə ərzində 144 səviyyəsini görüb və hazırda 143 Yapon yeni səviyyəsində ticarət olunur.

Müdaxilə baş verə bilər

Yaponiyanın maliyyə naziri Suzuki Şuniçi bildirib ki, yenin son ucuzlaşmaları “iqtisadiyyatın fundamental sabitliyindən uzaqdır”.

“Yapon yeninin ucuzlaşmasından çox narahatıq. Biz heç bir variantı istisna etmədən lazımi tədbirlər görməyə hazırıq”, – Suzuki bildirib.

Suzuki, bu tendensiyanın davam edəcəyi təqdirdə Yaponiya hökuməti olaraq müdaxilə edəcəklərini təkrarlayıb.

Baş nazir Kişida Fumio ilə görüşən Yaponiya Mərkəzi Bankının (BoJ) sədri Kuroda Haruhiko da görüşdən sonra jurnalistlərə açıqlama verib.

Yenin ucuzlaşmasının “Yapon şirkətləri üçün mənfi” olduğunu qeyd edən Kuroda, bazarı yaxından izlədiklərini bildirib.

İtkilərə baxmayaraq BOJ ultra yumuşaq pul siyasətini davam etdirir.