Bakının Səbail rayonundan söküləcək evlər məlum olub. Fins.az xəbər verir ki, Səbail Rayon İcra Hakimiyyəti başçısının müavini Eldar Ağayev bildirib ki, köhnə binaların yerinə yeni çoxmərtəbəli binaların tikintisi işləri davam etdiriləcək. Rayonda mənzil tikintisi məsələləri gündəmdədi və bu işlə məşğul olan sahibkarlar tərəfindən 14 müasir layihə işlənib təsdiq olunub. Badamdar qəsəbəsində tam yenidənqurmaya ehtiyacı olan, köhnə yaşayış binalarının sökülüb yerində müasir binaların tikintisi məqsədi ilə Tofiq Məmmədov küçəsi 1-3 və 3-5 ünvanlarında çoxmərtəbəli yaşayış binalarının tikintisi ilə bağlı işlər sürətlə davam edir, daha 2 ünvanda isə hazırlıq işləri görülür.
Bayıl-20-ci yaşayış sahəsində tam yenidənqurmaya ehtiyacı olan binalarının sökülüb yerində müasir binaların tikintisi ilə bağlı 8 müasir layihə işlənib təsdiq olunmuş və artıq Neftçi Qurban və Xanlar küçələrində 3 ünvanda, Fuad Əbdürrəhmanov, Aqil Əliyev küçələrində tikinti işləri sürətlə davam edir. O cümlədən, şəhərin mərkəz hissəsində Rastropoviçlər küçələrində köhnə yaşayış binalarının yerində yeni layihələr işlənib təsdiq olunub və artıq icraya başlanıb.