Dünya İqtisadi Forumunun (WEF) Qlobal Rəqabətlilik Hesabatına görə, bu il dünyanın iqtisadi və texnoloji olaraq ən rəqabətə davamlı iqtisadiyyatının Sinqapur olduğu müəyyənləşdirilib.  

WEF-in 141 ölkənin rəqəmsal bacarıqlar və iş görmək asanlığı kimi 103 əsas göstəricisinin ölçüldüyü “Qlobal Rəqabətlilik Hesabatı 2019″u açıqlanıb. Hesabata görə, dünyanın iqtisadi və texnoloji olaraq ən rəqabətə davamlı iqtisadiyyatı 84,8 xalla Sinqapurdur. Sinqapurun dövlət sektorunun, işçi qüvvəsinin və infrastrukturunun rəqabət hesabatında yüksək xallar alması diqqəti çəkir.

Qlobal rəqabətlilik reytinqində ABŞ birinciliyi itirərək 83,7 xalla ikinci, Honq Konq 83,1 xalla üçüncü və Hollandiya 82,4 xalla dördüncü yeri tutub.

İsveçrə qlobal rəqabət reytinqində bu il 1 yer düşərək 82,3 xalla müvafiq olaraq 5-inci yerə geriləyib, Yaponiya 1 sıra geriləyərək 82,3 xalla 6-ncı sırada yer alıb.

Avropanın ən böyük iqtisadiyyatına malik Almaniya 4 pillə geriləyərək 81,8 xalla 7-inci yerə düşüb. İsveç bir pillə yüksələrək 81,2 xalla 8-inci, İngiltərə bir pillə geriləyərək 81,2 xalla 9-uncu yeri tutub. Danimarka isə 81,2 xalla 10-uncu sıradakı yerini qoruyub.

Danimarkanın ardınca, Finlandiya, Tayvan, Cənubi Koreya, Kanada, Fransa, Avstraliya, Norveç, Lüksemburq, Yeni Zelandiya və İsrail gəlir.

Azərbaycan siyahıda 11 pillə irəliləyərək 141 ölkə arasında 58-ci mövqedə qərarlaşıb.

 

@Marja