Asiyadan Avropaya konteyner daşımaları ikiqat bahalaşıb. Belə bir vəziyyətdə Azərbaycana su yolu ilə Asiyadan gətirilən malların qiymətlərində də artım olacağı gözlənilir.

Qırmızı dənizdəki böhran Asiyadan Avropaya konteyner daşınması xərclərinin iki dəfə artmasına səbəb olub. Bu, Yəməndə fəaliyyət göstərən Husilərin hərbiləşdirilmiş qrupunun tez-tez raket hücumları ilə bağlıdır.

Bu barədə Marja.az “Freightos” beynəlxalq yük bron platformasının məlumatlarına istinadən xəbər verir.

Məlumatlara görə, son vaxtlar Asiyadan Şimali Avropaya bir qırx futluq konteynerin tranzitinin qiyməti 4000 dolları keçib. Eyni konteynerin Aralıq dənizi ölkələrinə çatdırılmasının dəyəri isə 5175 dollar/FEU-ya yüksəlib.

Ekspertlər Qırmızı dənizdə geosiyasi gərginliyin davam etməsi fonunda konteyner daşımalarının qiymətinin daha da artacağını bildirirlər.

Dekabrın 18-də “Reuters” agentliyi Norveçin “Swan Atlantic” neft tankerinin Qırmızı dənizdə atəşə tutulması barədə məlumat yayıb. Ekipaj xəsarət almayıb.

Husilərin hücumları nəticəsində bəzi gəmiçilik şirkətləri Qırmızı və Aralıq dənizlərini birləşdirən Süveyş kanalı ilə daşımaları dayandırmaq qərarına gəliblər. Bunun fonunda dekabrın 19-da Pentaqonun rəhbəri Lloyd Austin, Qırmızı dənizi husilərin hücumlarından qorumaq üçün  beynəlxalq əməliyyata başladığını elan edib.

Ocean rates – Freightos Baltic Index

Asia-US West Coast prices (FBX01) increased 63% to $2,713/FEU.

Asia-US East Coast prices (FBX03) climbed 55% to $3,900/FEU.

Asia-N. Europe prices (FBX11) increased 151% to $4,042/FEU.

Asia-Mediterranean prices (FBX13) increased 108% to $5,175/FEU.

Air rates – Freightos Air Index

China – N. America weekly prices stayed level at $5.85/kg

China – N. Europe weekly prices fell 25% to $2.98/kg.

N. Europe – N. America weekly prices fell 13% to $1.82/kg.