3 ildən az olmayan müddətdə həyatın yaşam sığortasına qoşulmuş vətəndaşlar məcburi dövlət sosial sığorta haqlarından (22% və 3%) və gəlir vergisindən azaddır.

 

“Marja” xəbər verir ki, Azərbaycanda əmək haqqını yaşam sığortasına köçürənlər artır.

 

“Marja” Maliyyə Bazarlarına Nəzarət Palatasının hesabatına istinadən xəbər verir ki, 2018-ci ilin 1-ci rübündə həyatın yaşam sığortası üzrə toplanmış sığorta haqları 50 milyon 12 min manat təşkil edib. Ötən ilin 1-ci rübündə həyatın yaşam sığortası üzrə toplanmış sığorta haqları 28 milyon 950 min manat təşkil etmişdi. Başqa sözlə, yığımlar 42% artıb.

 

2017-ci ildə həyatın yaşam sığortası üzrə toplanmış sığorta haqları 138 milyon manattəşkil etmişdi.

 

Dövlət Sosial Müdafiə Fondu qanuna düzəliş edərək güzəştlərin məhdudlaşdırılması istiqamətində addımlar atmaq niyyətindədir. Çünki məcburi sosial sığotahaqqını toplaya bilmir. Həyat sığortası şirkətləri isə bu güzəştlərin sığorta sektoruna töhvələr verdiyini bildirərək olduğu kimi saxlanılmasını məqsədəmüvafiq hesab edirlər.

 

Həyatım yaşam sığortasının ikinci adı Yığım İnvestisiyası Sığortasıdır. Yığım İnvestisiyası Sığortası Sizə əmək haqqınızdan daha çox gəlir əldə etmək imkanı yaradır. Siz aylıq rəsmi əməkhaqqınızdan müəyyən məbləği sığorta şirkətinə köçürərək həm həyatınızı sığortaladırsınız, həm də ödədiyiniz bu məbləğə görə vergi və investisiya gəliri əldə edirsiniz.

 

HANSI ÜSTÜNLÜKLƏRƏ MALİKDİR

 

Yığım İnvestisiyası Sığortası daha az vergi ödənişi, faiz gəliri və həyatınızın sığortası deməkdir.

 

– Azərbaycan Respublikası Dövlət Sosial Müdafiə Fonduna ödəməli olduğunuz məbləğin müəyyən hissəsi sizin hesabınızda qalır.

 

-Sığorta məhsulunu almaq üçün (qoşulduğunuz məbləğ) ödədiyiniz məbləğə görə verməli olduğunuz gəlir vergisi sizin öz hesabınızda qalır.

 

-Müəyyən olunmuş müddət (qanunla 3 il) bitdikdə, yığılmış pul vəsaitlərinin investisiya olunmuş gəlirlərlə birlikdə əldə edirsiniz.

 

-Müqavilə müddəti bitməmiş, ölüm hadisəsi baş verdiyi halda yaşam sığortası üzrə nəzərdə tutulmuş sığorta məbləği həcmində ailə üzvləriniz maddi təminat əldə edirlər.

 

Yığım İnvestisiyası məhsuluna qoşulmaqla 3 ilin sonunda əlinizə vergi güzəştləri və depozit faizləri ilə birlikdə böyük məbləğ gəlmiş olacaqdır. Bu müddət ərzində sizin başınıza hər hansı arzuolunmaz iş gələrsə, o zaman sevdikləriniz heç olmasa sizin yoxluğunuzu maddi olaraq hiss etməyəcəklər.

 

Qanunla Azərbaycanda işçi əməkhaqqından 14% gəlir vergisi ödəyir və 3% Dövlət Sosial Müdafiə Fonduna köçürür. Üstəlik çalışdığınız şirkət sizə görə əməkhaqqınızın 22%-i məbləğində Dövlət Sosial Müdafiə Fonduna məcburi dövlət sosial sığorta haqqı ödəyir. Tutaq ki, 1000 manat maaş alırsınız. 3% və 14% ödənişlər çıxıldıqda xalis 850 manat əməkhaqqınız qalır. Bundan başqa, 1000 manat maaşa görə, çalışdığınız şirkət Dövlət Sosial Müdafiə Fonduna 22%, yəni 220 manat köçürür. Azərbaycanda hazırda qüvvədə olan qanunvericiliyə görə, işçi əməkhaqqını həyatın yaşam sığortasına (İnvestisiya yığım) köçürərsə vergi və ödənişlərdən azaddır, yəni dövlətə ödənilən 370 manat sizə qalır. Bundan başqa, sığorta şirkətləri 5-7% illik gəlir vəd edirlər. Nəticədə, Həyatın yaşam sığortası vergi, sosial sığorta haqqı güzəştləri və investisiya gəliri birlikdə, bank əmanətindən daha yüksək nisbətdə gəlir təmin edir.  Əməkhaqqısı 2500 manatdan yüksək olanlar daha yüksək qazanc götürürlər.

 

2018-ci ilin yanvar-mart dövrü, min manatla

Həyat sığortası üzrə, o cümlədən: 63,307.6 26,711.8
həyatın yaşam sığortası 50,012.3 26,430.2
həyatın ölüm halından sığortası 12,746.1 281.6
əmək qabiliyyətinin sığortası 532.9 –
sağalmaz xəstəliklərdən sığorta 16.3 –

 

2017-ci ilin yanvar-mart dövrü

Həyat sığortası üzrə 34 166 324,56 31 003 583,90
 o cümlədən:
həyatın ölüm halından sığortası 4 981 733,02 677 313,68
həyatın yaşam sığortası 28 950 939,15 30 321 270,22
annuitet sığortası 0,00 0,00
əmək qabiliyyətinin sığortası 204 866,50 0,00
sağalmaz xəstəliklərdən sığorta 28 785,89 5 000,00

 

2017-ci il

Həyat sığortası üzrə 177 855 771,53 126 406 920,10
 o cümlədən:
həyatın ölüm halından sığortası 37 942 389,49 2 351 493,47
həyatın yaşam sığortası 137 927 658,08 124 045 576,63
annuitet sığortası 0,00 0,00
əmək qabiliyyətinin sığortası 1 868 207,33 0,00
sağalmaz xəstəliklərdən sığorta 117 516,63 9 850,00