Bu gün Azərbaycan Respublikası Mərkəzi Bankının təşkilatçılığı ilə “China UnionPay” beynəlxalq kart təşkilatı tərəfindən bankların və prosessinq mərkəzlərinin nümayəndələri üçün seminar təşkil edilib. Bu barədə Musavat.com-a Mərkəzi Bankından məlumat verilib.
Bildirilir ki, tədbir zamanı iştirakçılara təşkilatın regionda və ölkənin ödəniş kartları bazarında gələcək fəaliyyət istiqamətləri, təqdim olunacaq yeniliklər və ödəniş kartları məhsulları haqqında geniş məlumat verilib.
Müzakirələr zamanı təşkilatın beynəlxalq səviyyədə həyata keçirdiyi layihələr, ödəniş kartları ilə əməliyyatlar zamanı tətbiq olunan tarif siyasəti, innovativ ödəniş məhsulları üzrə mövzulara, habelə banklarla qarşılıqlı əməkdaşlıq məsələlərinə toxunulmuş, qarşılıqlı fikir mübadiləsi aparılıb.