Avstraliyanın Yeni Cənubi Uels ştatının sakini, memar Aleksandr Simes evində maraqlı yenidənqurma işləri aparıb.

AZƏRTAC “novate.ru” saytına istinadla bildirir ki, memarın şəxsi evində gördüyü bir sıra dizayn və təmir işləri evin sanki yarımçıq tikilməsi təsəvvürünü yaradır. Lakin ev sahibi bununla heç də razı deyil.

Maraqlıdır ki, “Up-Cycle House” adlandırılan evin giriş hissəsində kərpic hörgüsü tamamlanmayıb, həmçinin binanın damı da yarımçıqdır.

“Up-Cycle House”nin yaşayış sahəsi 104 kvadratmetr təşkil edir. Burada qonaq və 3 yataq otağı, mətbəx, 2 vanna otağı yerləşir.