Dünyanın ən böyük neft istehsalçılarından biri olan Venesueladakı siyasi və iqtisadi xaos neft bazarlarındakı ən böyük geosiyasi risk kimi görünür.

 

“Marja” xəbər verir ki, 30 milyon əhalisi olan Venesuelada siyasi gərginliyin getdikcə artması çevriliş ola biləcəyi ehtimlını artırıb. Ölkənin 70 faiz olaraq görülən iflas riskinin baş verməsi halında ilin ikinci yarısında neftin qiymətlərinin 80 dollara çıxa  biləcəyi proqnozları verilir.

 

Venesuelada dörd aydır ki, davam edən hadisələrdə 120d-dən çox adam ölüb və minlərlə insan həbs olunub. Dövlət bşçısı Nikola Maduronun bütün gücü əlində cəmləşdirəcək konstitusiya dəyişiklikləri etməsi uğurlu olsa belə, iqtisadi çöküşü dayandırmasının mümkün olmadığı bildirilir. Ən böyük çətinlik isə ölkənin, ilin ikinci yarısında ödəməsi lazım olan 5 milyard dollarlıq borcdur. Bunun bir qismini dövlət istiqraz vərəqələri, mühüm bir qismini isə dövlət nəzarətindəki enerji şirkəti PDVSA-nın ödəmələri təşkil edir.

 

“Wall Street Journal” qəzetində yer alan bir xəbərə görə, ölkənin gələcək 12 ayda iflas etməsi ehtimalı 70% olaraq görülür. Analitiklər ölkənin istiqraz vərəqələrində defolta düşməsinin, ölkənin təcrid bir iqtisadiyyatı olduğundan dolayı böyük bir effekt yaratmasının gözlənmədiyini, ancaq ən böyük sarsıntının neft bazarlarında baş verəcəyini bildirirlər.

 

Venesuelanın gündəlik neft hasilatı 1.9 milyon barreldir. Bu rəqəm demək olar ki, son 3 ildə dünyadakı təklif artıqlığına bərabərdir. Bu səbəbdən ölkənin neftinin bazardan çıxması ilə neft qiymətlərinin qalxacağı proqnozlaşdırılır. Ölkənin borclarını neftlə ödəməsi halında ixracın zərbə alacağı ifadə olunur.

 

“RBC Capital Markets”dən Helima Croft, neft qiymətlərinin bir neçə ay ərzində 60 faiz artaraq 70-80 dollara çıxa biləcəyi proqnozunu verib. Croft, ölkənin istehsal gücünü artırması ehtimalı olmadığını və ölkənin iflas etməsi halında qiymətlərin kəskin şəkildə qalxacağını deyir.