Xəbər verdiyimiz kimi, Azərbaycan Beynəlxalq Bankı tikinti şirkətləri ilə əməkdaşlığı yenidən bərpa edib.

“Marja” xəbər verir ki, Bank müvəqqəti olaraq dayandırdığı 20 illik manat ipotekasını bərpa edib. İpoteka krediti illik 10% ilə ayrılır.  İlkin ödəniş layihədən və mənzildən aslı olaraq  dəyişir.

Müştərilərinə müjdəni çatdıran tikinti şirkətlərindən biri “Kristal Abşeron” olub.

“Kristal Abşeron-dan qaynar təklif! 20 illik ipoteka bərpa olundu! Bu gündən etibarən Kristal Abşeron layihələrinə gəlin, tam təmirli hazır mənzilləri 20 ilədək ipoteka imkanı ilə əldə edin! Tələsin! Mənzillərin sayı məhduddur! Bugünun işini digər baharlara saxlamayın!” – şirkət Facebook səhifəsində yazıb.

“Kristal Abşeron” Facebook səhifəsində müştərilərin suallarından birinə cavab olaraq yazıb ki, indi Xırdalanda 316 manat aylıq ödənişlə də mənzilə sahib olmaq olar:

“1 otaqlı 37 kv/m ilkin ödəniş 6950 AZN olacaq, aylıq ödəniş 413 AZN.  28.8 kv.m  üçün ilkin ödəniş 7 700 AZN, aylıq ödəniş 316 AZN”

Azərbaycan Beynəlxalq Bankı 20 illik ipotekanı bərpa edib.

“Marja”nın əldə etdiyi məlumata görə, bu gündən başlayaraq, vətəndaşlar Bankın tərəfdaşı olan tikinti şirkətlərinə müraciət edərək şəxsiyyət vəsiqəsilə 20 illik ipoteka ilə mənzil əldə edə bilər.

Məsələn, Kristal Abşeron və Xəzər İnşaat-dan tam təmirli hazır mənzilləri 20 ilədək ipoteka imkanı ilə əldə edə bilərsiniz.

İpoteka krediti illik 10% ilə ayrılır.  İlkin ödəniş Layihədən və mənzildən aslı olaraq  dəyişir.