2015-ci ilin IV rübündə yerüstü tikililər üzrə qiymətlər 0,2 faiz ucuzlaşıb.

Publika.az xəbər verir ki, yol və körpü tikintisi üzrə qiymətlər isə 0,6 faiz bahalaşıb. Ümumilikdə tikintidə (tikinti-quraşdırma işlərində) istehsalçı qiymətləri əvvəlki rüblə müqayisədə 0,1 faiz ucuzlaşıb.

Rüb ərzində yerüstü tikililərdən sosial təyinatlı binaların tikintisi üzrə qiymətlər 0,2 faiz bahalaşıb, istehsal təyinatlı obyektlərin tikintisi üzrə qiymətlər 3,1 faiz ucuzlaşıb. Yaşayış evlərinin tikintisi üzrə qiymətlər isə sabit qalıb.