Səudiyyə Ərəbistanı Krallığında əhalinin artımı və ölkədəki inkişaf maşınların da sayının sürətlə çoxalmasına səbəb olur.

Krallığın rəsmi xəbər agentliyi SPA-nın məlumatına görə, ölkənin nəqliyyat sektorunda gün ərzində orta hesabla 12 milyon avtomobil hərəkət edir. Bildirilir ki, Səudiyyə Ərəbistanında sərf olunan enerji mənbələrinin ən azı 23 faizini avtomobil yanacağı təşkil edir. Ölkədə əhalinin sayının 30 milyona çatması avtomobil yollarında tıxacları da gücləndirir. Bu problemin həlli üçün yaxın gələcəkdə 80 kilometrdən çox yeni magistral yolların salınması nəzərdə tutulub.

Sabir Şahtaxtı

AZƏRTAC-ın xüsusi müxbiri

Ər-Riyad